الكل يبكيها

السلام عليكم جميعا


جبت لكم معي قصيده للشاعر الحميدي الشمري في والدته (الله يرحمها ) القصيده تحزن وتقطع القلب


اتركم مع القصيده وان شاء الله تعجبكم



خايف عليها من الثرى غطاهـا
وإلا الحصى حافيه أخاف أذاها


اكرم عليها بالكفـن يامطـوع
بالبيت ظل فراشهـا وغطاهـا


أكرم عليها بالكفن هذي(أمـي)
وأشهد عليها بما عطت يمناهـا


هذا الضحى والليـل يتحرونـه
هذي السماء ونجومها تنعاهـا


هذي السوالف مثلنـا تبكيهـا
والأرض تنشد عن أثر لخطاها


هذي الكبيره كبر هـذي الدنيـا
هذي العظيمه جل مـن سواهـا


أبكي عليها مـو نهـار وليلـه
ولا سنه تمشي وأعـد قضاهـا


أبكي عليهـا كثـر ماشالتنـي
وكثر الحنين اللي أختلط بغناها


وكثرالاسامي وكثرمن سموهـا
وكثر النجوم وكثر من يرعاهـا


أبكي عليها من القهـر يادنيـا
من لي أنا..من لي عقب فرقاها


من فتحت عينـي ولا خلتنـي
شوفو ولدهـا بالقبـر خلاهـا


التـراب بوجههـا ماقـصـر
شوفو ولدها كيف هو جازاهـا


لـو انهـا بمكانـي ماسوتهـا
لكـن أعـز عيالهـا سواهـا


"يالدووود" شفها ذابلـه جنبهـا
أنا ولدها وحاضـر وأفداااهـا


قطعني هاك اللي تبي من جسمي
بس الكريمـه لاتجـي بحذاهـا


أبيها تغفر لـي مثـل ماكانـت
كل خطوه مني تصيبها ترضاها


يالله عساهـا بالنعيـم الخالـد
وعسى في جنة عدن سكناهـا


يافضي هذا الكون ياهو خالـي
ياضيق هذي الدنيـا يامقساهـا


يامـر طعـم فراقهـا يـامـره
ماني مصدق أرجـع وماألقاهـا


ياليتهـا ماراحـت وخلتـنـي
أو"وسعت لي بالقبـر وياهـااا

رائع يسلمووو يالغلا .. جد تبكي ..

ابدعتِ واجدتِ ..

دمتي ودام لنا قلمك..

يعطيك ربي الف عافيه يالغلا ع المرورالعطر
اسعدني مرورك يالغلا