بكره تعاني مثل ما انا اعاني.

برحل وانا باشوف وش ممكن يصير
وانت اعتبر صاحبـك ميـت وفانـي

لاني تعبت من السهـر والمشاويـر
واتعبت قلب ٍ صابـرٍ لـك عشانـي

والإ اعتبرها من صـدوف المقاديـر
والإ اعتبرهـا غلطـةٍ مـن زمانـي

خلاص ما تنفـع كبـار المعاذيـر
دامي رخصت وبعتنـي فـي ثوانـي

باعز نفسي عنك لو مانـي بخيـر
واقطع سواليـف الهـوى والامانـي

لاني كذا مخلوق في طبعـي كبيـر
ماني عديم احسـاس ولانـي انانـي

يا ما على شوفتك سقت التباشيـر
وياما نثرت الهـرج لجلـك اغانـي

واليوم كنه مال حبك علـى الغيـر
بدّلت واحد مـا رضـا فيـك ثانـي

تبي اكمل .. و الإ تصبح على خيـر
بكره تعاني مثـل مـا انـا اعانـي
بكره تعاني مثـل مـا انـا اعانـي
بكره تعاني مثـل مـا انـا اعانـي